Tradhisi Buwuh Ing Pathi

Buwuh yaiku tradhisi nyumbang maring wong kang lagi duwe "gawe", tuladhane gawe bisa nikahan, sunatan lan sapanunggalane. Ana ing Pathi, biasane buwuhe arupa beras, gula, mi, dhuwit, rokok sak paket lan liya-liyane. Menawa sing duwe gawe isih dulur, buwuhe arupa:

1. Beras, mi, gula (yen wong wadon utawa ibu-ibu),
2. Rokok sak paket (yen wong lanang utawa bapak-bapak).

Menawa ora sedulur, biasane namung beras (ibu-ibu) lan dhuwit (bapak-bapak). Barang-barang kang diwenehake iku isih ana gegayutane kanggo acara, amarga bisa digawe sogatan tamu. Biasane yen sing duwe gawe uga nyatet sapa wae sing mara lan rupa buwuhe apa. Yen sing nyumbang genti dadi wong sing duwe gawe, iya mesthi kepengin diwenehi buwuh kang serupa karo kang wingi diwenehake. 

(Dening Sariha Devi)

Homonim, Homograf, lan Antonim

A. HOMONIM

Yaiku tembung-tembung kang padha pengucapane lan padha panulisane nanging beda tegese.

Tuladha :

a) Bapak sampun mundhut kajeng jatos.

b) Kajeng kula mboten mekaten.

Katrangan : tembung kajeng ing ukara a lan b senajan tulisan lan pangucapane padha nanging tegese beda

~ ing ukara a tegese kayu

~ ing ukara b tegese karep

a. Para guru Madrasah Tsanawiyah padha gawe naskah soal cawu II

b. Bu Wiryo saiki para ana Pasar Klewer

Katrangan :

~ ing ukara a tegese akeh

~ ing ukara b tegese teka

B. HOMOGRAF

Yaiku tembung-tembung kang padha panulisane nanging beda pengucapane lan tegese.

Tuladha :

a) Bocah kae rambute kethel.

b) Banyune diwadahi kethel.

C. ANTONIM (kosok balen)

Tuladha :

a. Saben RT dhuwe kas kanggo bungah susah.

b. Wong urip bebrayan iku bungah susah dienggo bebarengan.

(Saka Buku Ajar Basa Jawa)